كەشە، 17 قاراشادا ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆتىڭ قاتىسۋىمەن وبلىس اكىمدىگى جانىنداعى ۇكىمەتتىك ەمەس ۇيىمدارمەن ءوزارا ءىس-قيمىل جانە ىنتىماقتاستىق جونىندە كەڭەس وتىرىسى ءوتتى، دەپ حابارلايدى Qamshy.kz اقپارات اگەنتتىگى بقو ىشكى ىستەر باسقارماسىنا سىلتەمە جاساپ.
وبلىس اكىمى التاي كولگىنوۆتىڭ ءتوراعالىعىمەن بولعان جيىنعا ۇەۇ، ساياسي پارتيا، مەملەكەتتىك قۇرىلىم وكىلدەرى، اۋدان اكىمدەرى قاتىستى.
– ازاماتتىق قوعامنىڭ ءرولىن ارتتىرۋ – «100 ناقتى» قادام ۇلت جوسپارىنداعى ماڭىزدى ماقساتتاردىڭ ءبىرى. ەلىمىزدە ازاماتتىق قوعامنىڭ دامۋى ءۇشىن مەملەكەتتىك قولداۋ مەحانيزمدەرى ناقتىلاندى. ياعني الەۋمەتتىك-مەملەكەتتىك تاپسىرىستار، گرانتتار ءبولۋ، ۇەۇ-لاردىڭ كاسىبيلىگىن ارتتىرۋ، ىنتالاندىرۋ باعىتىندا كوپتەگەن جۇمىس اتقارىلدى. 650 مىڭ تۇرعىنى بار اق جايىق وڭىرىندە 645 ۇەۇ تىركەلگەن. سونىڭ 100-دەن استامى بەلسەندى قىزمەت اتقارۋدا. ۇەۇ-لاردىڭ بەلسەندىلىگىن ارتتىرۋ ماسەلەسىن ءبىرازدان بەرى كوتەرىپ كەلەمىز. بيىلدىڭ وزىندە 800 ملن. تەڭگەگە جۋىق قاراجات مەملەكەتتىك-الەۋمەتتىك تاپسىرىس اياسىندا ءبولىندى. بۇل قارجى قوعامنىڭ ءار ءتۇرلى توپتارىنىڭ ماسەلەلەرىن شەشۋگە باعىتتالدى. مەملەكەت باسشىسىنىڭ «رۋحاني جاڭعىرۋ» باعدارلاماسىن جۇزەگە اسىرۋعا قوعامدىق ۇيىمداردىڭ مەملەكەتتىك قۇرىلىمدارمەن ءبىرلەسە جۇمىس ىستەءۋىنىڭ ماڭىزى زور. وتكەن جىلى بولعان وبلىستىق ۇەۇ فورۋمىنىڭ قورىتىندىسىنا ءسايكەس ازاماتتىق قوعامدى دامىتۋ بويىنشا كەشەندى ءىس-شارالار قولعا الىندى. ماسەلەن، بيىلعى مەملەكەتتىك-الەۋمەتتىك تاپسىرىس بىلتىرعىمەن سالىستىرعاندا 30 پايىزعا ءوستى. بىلتىر تەك ءتورت وبلىستىق باسقارما الەۋمەتتىك تاپسىرىس نەگىزىندە قوعامدىق بىرلەستىكتەرمەن بىرىگىپ جۇمىس ىستەسە، اعىمداعى جىلى ولاردىڭ قاتارى جەتىگە جەتتى. جالپى العاندا، ەلىمىزدەگى ازاماتتىق قوعامنىڭ دامۋىنا باتىسقازاقستاندىقتار دا ءۇلكەن ۇلەس قوسۋدا، – دەدى جيىندى اشقان التاي كولگىنوۆ.
سودان كەيىن ءسوز العان ق ر ءدىن ىستەرى جانە ازاماتتىق قوعام ءمينيسترى نۇرلان ەرمەكبايەۆ: - ءبىز بيىلدان باستاپ ەلىمىزدەگى قاراپايىم ادامداردى تولعاندىراتىن ماسەلەلەر بويىنشا مونيتورينگ جۇرگىزۋدى قولعا الدىق. ۇكىمەت باسشىسىنىڭ قولداۋىمەن باستالعان بۇل شاراعا ۇەۇ-لار دا بەلسەندى قاتىسىپ جاتىر. مونيتورينگ بويىنشا قوعامنىڭ ءتۇرلى سالالارىنا قاتىستى جيناقتالعان ماسەلەلەر ۇكىمەتكە ۇسىنىلادى. ودان ءارى ءتيىستى مينيسترلىكتەر مەن ۆەدومستۆولار ولاردى شەشۋمەن جۇمىستاناتىن بولادى. ۇەۇ پرەمەر-مينيسترگە ورتالىق جانە جەرگىلىكتى اتقارۋشى بيلىكتىڭ ازاماتتىق قوعام وكىلدەرىمەن تۇراقتى كەزدەسۋ كەستەسىن بەكىتۋدى ۇسىنعان ەدى. ول قولداۋ تاپتى. ياعني جىلىنا كەم دەگەندە ەكى رەت بيلىك قۇرىلىمدارى ۇەۇ وكىلدەرىمەن كەزدەسۋلەرى كەرەك. مىنە، بۇل مىسالداردان-اق ازاماتتىق قوعامنىڭ بىزدە قانشالىقتى العا باسقانىن، ولاردىڭ بيلىككە ىقپالىن كورۋگە بولادى، - دەي كەلە، ۇەۇ-لاردى مەملەكەتتىك قولداۋدىڭ جاڭا تۇرلەرىمەن دە تانىستىرىپ ءوتتى.
وبلىستىق ىشكى ساياسات باسقارماسىنىڭ باسشىسى باقىتجان نارىمبەتوۆ وڭىردەگى ازاماتتىق قوعامدى دامىتۋ باعىتىندا اعىمداعى جىلى باسقارمامەن اتقارىلعان ءىس-شارالارعا توقتالىپ ءوتتى. ول ىشكى ساياسات باسقارماسىنىڭ ۇەۇ جۇمىستىڭ نەگىزگى باعىتتارى: ۇەۇ ىنتالاندىرۋ جانە قوعامدىق شارالارعا تارتۋ، وتباسى قۇندىلىقتارىن ناسيحاتتاۋ، ازاماتتاردىڭ قۇقىقتىق ساناسىن ارتتىرۋ، «بولاشاققا باعدار: رۋحاني جاڭعىرۋ» باعدارلامالىق ماقالاسىن جۇزەگە اسىرۋ باعىتتارى بويىنشا جۇمىستارعا توقتالدى. اتاپ وتكەندەي، وبلىسىمىزدا الەۋمەتتىك ماڭىزدى جوبالار مەن يدەيالاردىڭ جارمەڭكەسى ۇيىمداستىرىلىپ، 10 ۇزدىگى تاڭداپ الىندى. اتىراۋ قالاسىندا وتكەن «ASAR» ءۇش جاقتى ىنتىماقتاستىق I رەسپۋبليكالىق فورۋمىنا - «قازاق ساڭىراۋلار قوعامى» وبلىستىق فيليالىنىڭ «ەستۋ قابىلەتى بۇزىلعان جاستار اراسىندا ەڭبەك الەۋەتىن دامىتۋ» جوباسىن «اقسايگازسەرۆيس» كومپانياسى 2 ملن. تەڭگەگە قارجىلاندىرىپ، مەموراندۋمعا قول قويدى.
وبلىستا «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا «الەۋمەتتىك باستامالار كارتاسى» بويىنشا قازىرگى تاڭدا 63 شارا، 9 كىشى جوبا جۇزەگە اسىرىلۋدا. مەسەناتتار قاراجاتىنا 59 شارا جۇزەگە اسىرىلدى. وبلىسىمىزدا قۇرامىندا 125 ۆولونتەرى بار ۆولونتەرلەر كورپۋسى جاساقتالدى. قازىرگى تاڭدا ۆولونتەرلەردىڭ جەكە قابىلەتتەرىن دامىتۋ باعىتىندا جۇمىستار جۇرگىزىلۋدە.
وبلىستا ۇەۇ الەۋەتىن ارتتىرۋ ءۇشىن 2018 جىلى ازاماتتىق رەسۋرستىق ورتالىق (كوۆوركينگ) اشىلادى. ورتالىق ۇەۇ مەن مەملەكەتتىك ورگانداردىڭ تىعىز قارىم-قاتىناسىنا، ولارعا ادىستەمەلىك، كونسۋلتاتيۆتىك، كوممۋنيكاسيالىق، اقپاراتتىق قولداۋ كورسەتۋشى ورتالىق بولماق.
ورتالىق اۋداندىق بىرلەستىكتەرمەن جەلىلىك جۇمىستى ۇيىمداستىرۋعا، ۇەۇ مەكتەبىن قالىپتاستىرۋعا، الەۋمەتتىك يدەيالار جارمەڭكەسى مەن جوبالارىن، ءتۇرلى كونكۋرستار مەن سەمينار-ترەنينگتەر ۇيىمداستىرۋعا ىقپال ەتپەك.
